ភ្នំពេញ៖ របាយការណ៍ពីរដ្ឋលេខាធិកាដ្ឋានអាកាសចរស៊ីវិលឱ្យដឹងថាក្នុងឆ្នាំ២០២២ មានអ្នកដំណើរចំនួន ២ ៣៨២ ០០០នាក់បានធ្វើដំណើរចេញចូលប្រទេសកម្ពុជា ដែលមានកំណើនជិត ៩០០ភាគរយ បើធៀបនឹងឆ្នាំ២០២១។
របាយការណ៍ដដែលឱ្យដឹងថាចំនួនអ្នកដំណើរចេញចូលនេះបើគិតជាចំនួនជើងយន្តហោះមានចំនួន ២៨ ៩០០ជើងមានការកើនឡើង ២៦០% បើធៀបទៅនឹងឆ្នាំ២០២១។
បើទោះបីមានកំណើនអ្នកដំណើរចេញចូលក្នុងឆ្នាំ២០២២ នេះធៀបនឹងឆ្នាំ២០២១ក្ដី តែចំនួននេះនៅតែមិនអាចស្មើឬលើសឆ្នាំ២០១៩ នៅឡើយ។ ចំនួនអ្នកដំណើរចេញចូលកម្ពុជាឆ្នាំ២០២២ មានប្រមាណតែ ២៥% ប៉ុណ្ណោះ ខណៈចំនួនជើងហោះហើយក៏ស្មើត្រឹម ២៨% ប៉ុណ្ណោះបើធៀបនឹងឆ្នាំ២០១៩៕
